Við einbeitum okkur að þörfum viðskiptavinarins og leggjum okkur fram við að bjóða bestu möguleigu þjónustu, gæði og öryggi. Í áratugi höfum við verið í flugiðnaðinum og þekkjum leiguflugsmarkaðinn gríðarlega vel. Við munum ávallt leggja okkur fram við að gera hvert einasta flug og þjónustu eins þægilegt og fagmannlegt og mögulegt er.
Ásgeir Örn Þorsteinsson hefur starfað hjá Eagle Air, á sviði leiguflugs, sjúkraflugs, áætlunarflugs og ferðaiðnaðar, síðan 2004. Hann ákvað að taka hina frægu „U-beygju“, í sama geira þó, og breyta aðeins til.
Ásgeir var sölu- og markaðsstjóri auk þess að sjá um daglegan rekstur, mannauð og starfaði náið með forstjóra í gegnum árin. Opinberlega tók hann við starfi framkvæmdastjóra Eagle Air í ársbyrjun 2023.
Ásgeir hefur fagleg og góð tengsl hér á landi og erlendis sem hentar þessum rekstri einstaklega vel enda hefur hann lifað og hrærst í flugi allan þennan tíma.
Einar Hermannsson hefur verið í flug-, markaðs- og auglýsingabransanum í langan tíma. Hann starfaði hjá Icelandair í 15 ár, aðallega í innanlandsdeild sem sölu- og markaðsstjóri, tekjustýringardeild, flugflotadeild og stöðvarstjóri á Reykjavíkurflugvelli.
Eftir tíma sinn hjá Icelandair fór hann yfir í auglýsinga- og markaðsbransann og starfaði sem framkvæmdastjóri AFA JCDecaux á Íslandi í 20 ár.
Nú er hann kominn aftur í flugið og hefur starfað sem sölu- og markaðsstjóri hjá Eagle Air þar til hann stofnaði eigið fyrirtæki Air Broker Iceland til að nýta færni sína og reynslu sem best.
